തരംഗമായി വിജയ് സേതുപതി, നിത്യാ മേനോന്‍ ചിത്രം ' തലൈവന്‍ തലൈവി ' യിലെ ഗാനങ്ങള്‍ !

വിജയ് സേതുപതിയും നിത്യ മേനോനും ജോഡി ചേരുന്ന ' തലൈവന്‍ തലൈവി ' ജൂലൈ 25 ന് ലോകമെമ്പാടും റീലീസ് ചെയ്യും. അതിന്റെ മുന്നോടിയായി ചിത്രത്തിലെ ഗാനങ്ങള്‍ കഴിഞ്ഞ ദിവസം ചെന്നൈയില്‍ നടന്ന ബ്രഹ്മാണ്ഡ ഓഡിയോ ലോഞ്ച് ചടങ്ങില്‍ റിലീസ് ചെയ്തു.

ഗാനങ്ങള്‍ റിലീസ് ചെയ്തു നിമിഷങ്ങള്‍ക്കകം തന്നെ ട്രെന്‍ഡിങ്ങായി . നേരത്തേ പുറത്തിറക്കിയ, ചിത്രത്തിലെ

' വാടീ എന്‍ പൊട്ടല മിട്ടായി ചിന്ന രത്തിന കൊട്ടായി

ഉന്‍ കുങ്കുമ പൊട്ടെ മേലെ വെച്ചായെ '

എന്ന ഗാനത്തിന്റെ വീഡിയോ യൂട്യൂബില്‍ കോടിയിലധികം കാണികളെ ആകര്‍ഷിച്ചു ജൈത്ര യാത്ര തുടരവേയാണ് പുതിയ ഗാനങ്ങള്‍ പുറത്തിറക്കിയിരിക്കുന്നത് എന്നത് ശ്രദ്ധേയമാണ് .

സന്തോഷ് നാരായണനാണ് ഗാനങ്ങള്‍ക്ക് സംഗീതം പകര്‍ന്ന് ചിട്ടപ്പെടുത്തിയിരിക്കുന്നത് . ഒട്ടനവധി നല്ല സിനിമകള്‍ നല്‍കിയിട്ടുള്ള , തമിഴ് സിനിമാ രംഗത്തെ ഏറ്റവും വലിയ നിര്‍മ്മാണ സ്ഥാപനമായ സത്യ ജ്യോതി ഫിലിംസാണ് പാണ്ഡിരാജ് രചനയും സംവിധാനവും നിര്‍വഹിച്ച ' തലൈവന്‍ തലൈവി ' യുടെ നിര്‍മ്മാതാക്കള്‍. മണിരത്‌നം ,ബാലു മഹേന്ദ്ര ,കതിര്‍ തുടങ്ങി ഒട്ടേറെ പ്രതിഭാധനരായ സംവിധായകരെ തമിഴ് സിനിമയ്ക്ക് സമ്മാനിച്ച സ്ഥാപനമാണിത് .

വിജയ് സേതുപതി ,നിത്യാ മേനോന്‍ , നിരവധി സൂപ്പര്‍ഹിറ്റ് സിനിമകള്‍ ഒരുക്കിയ സംവിധായകന്‍ പാണ്ഡിരാജ് എന്നിവര്‍ ഒത്തു ചേരുന്ന ' തലൈവന്‍ തലൈവി 'യെ പ്രേക്ഷകരും ഏറെ പ്രതീക്ഷയോടെയാണ് കാത്തിരിക്കുന്നത് . അതിന്റെ ദൃഷ്ടാന്തമാണ് ടീസറിന് ലഭിച്ച വലിയ വരവേല്‍പ് എന്ന് അണിയറ ശില്പികള്‍ കരുതുന്നു .

ഒരു പൊറോട്ട കടയുടെ പശ്ചാത്തലത്തില്‍ വിജയ് സേതുപതിയുടെയും നിത്യാ മേനോന്റെയും കഥാപാത്രങ്ങളെ അവതരിപ്പിക്കുന്ന തരത്തിലാണ് ടീസര്‍ ഒരുക്കിയിരിക്കുന്നത്. ഒരു ആക്ഷന്‍ റൊമാന്റിക് കോമഡി ജോണറില്‍ ഫാമിലി ഡ്രാമയായിലിട്ടാണ് സിനിമ ഒരുങ്ങുന്നതെന്ന സൂചനയാണ് ടീസര്‍ നല്‍കുന്നത്.

ചെമ്പന്‍ വിനോദ് ചിത്രത്തിന്റെ കഥാഗതി നിയന്ത്രിക്കുന്ന മര്‍മ്മ പ്രധാന കഥാപാത്രത്തെ അവതരിപ്പിക്കുന്നു . യോഗി ബാബു, ആര്‍ .കെ . സുരേഷ് ,ശരവണന്‍ ,ദീപ ,ജാനകി സുരേഷ് ,റോഷിണി ഹരിപ്രിയ ,മൈനാ നന്ദിനി എന്നിവര്‍ മറ്റു കഥാപാത്രങ്ങളെ അവതരിപ്പിക്കുന്നു .ഛായാഗ്രഹണം എം സുകുമാര്‍ , ചിത്രസംയോജനം പ്രദീപ് ഈ രാഘവ് ,നൃത്ത സംവിധാനം ബാബു ഭാസ്‌കര്‍ ,സംഘട്ടന സംവിധാനം കളായി കിങ്സണ്‍ എന്നിവരാണ് ' തലൈവന്‍ തലൈവി 'യുടെ അണിയറ സാങ്കേതിക വിദഗ്ദ്ധരില്‍ പ്രധാനികള്‍ .

സി.കെ.അജയ് കുമാര്‍, പി ആര്‍ ഓ

https://youtu.be/zVjVqKoS9QU?si=tHbVyQvgKA9Zpxd5

https://youtu.be/-ka25Df5TJ8?si=B9E6VTUjlUN6y2Qu

https://youtu.be/j_8S7IxSV2s?si=9nM38NcO7SuMQrXs