ഒറ്റക്കൊമ്പന്‍ ലൊക്കേഷനില്‍ ജിജോ പുന്നൂസ്
മലയാളത്തിലേക്ക് ആദ്യമായി സിനിമാസ്‌ക്കോപ്പ്, 70 എംഎം , ത്രീഡി , എന്നിങ്ങനെ വലിയ വിസ്മയങ്ങള്‍ നല്‍കിയ നവോദയായുടെ മുഖ്യശില്‍പ്പി''മൈഡിയര്‍ കുട്ടിച്ചാത്തന്‍ എന്ന ചിത്രം മാത്രമാണ് സംവിധായകന്‍ എന്ന ക്രെഡിറ്റില്‍ ഉള്ളുവെങ്കിലും മാമാങ്കം, പടയോട്ടം, തുടങ്ങിയചിത്രങ്ങളുടെയൊക്കെ ബുദ്ധികേന്ദ്രം ജിജോ തന്നെയായിരുന്നു.;
പാലാ കുരിശു പള്ളി ജംഗ്ഷന്‍ കഴിഞ്ഞ ഒരാഴ്ച്ചയിലേറെയായി ഉറക്കമില്ലാ രാത്രിയിലൂടെയാണു കടന്നുപോകുന്നത്. റോഡു നീളെ കൊടിതോരണങ്ങള്‍. വഴിയോര കച്ചവടക്കാര്‍,നേരം പുലരുവോളം തുറന്നിരിക്കുന്ന കടകള്‍, തിങ്ങി നിറഞ്ഞു ജനം, കണ്ണഞ്ചിപ്പിക്കുന്ന പ്രകാശധാര..... അങ്ങനെ തികച്ചും ഉത്സവപ്രതീതി. ഇത് പാലാ കുരിശു പള്ളിത്തിരുന്നാളിന്റെ ഭാഗങ്ങളാണ്. പക്ഷെ ഇപ്പോഴത്തെ ഈ പെരുന്നാള്‍ സംഘടിപ്പിച്ചിരിക്കുന്നത് ഒറ്റക്കൊമ്പന്‍ എന്ന സിനിമക്കു വേണ്ടിയാണ്. സുരേഷ് ഗോപി നായകനായി അഭിനയിക്കുന്ന ഈ ചിത്രം ശ്രീ ഗോകുലം മൂവീസിന്റെ ബാനറില്‍ ഗോകുലന്‍ ഗോപാലനാണ് നിര്‍മ്മിക്കുന്നത്. നവാഗതനായ മാത്യുസ്‌തോമസ് സംവിധാനം ചെയ്യുന്ന ഈ ചിത്രത്തിലെ സുപ്രധാനമായ രംഗമാണ് പാലാ കുരിശു പള്ളിത്തിരുന്നാള്‍. ഇക്കഴിഞ്ഞ ദിവസം ഇവിടുത്തെ ചിത്രീകരണം നടക്കുന്നതിനിടയി ലാണ് ഈ ലൊക്കേഷനിലേക്ക് ജിജോ പുന്നൂസ് കടന്നു വരുന്നത്. ദൃശ്യവിസ്മയങ്ങള്‍ മലയാള സിനിമയില്‍ അവതരിപ്പിച്ച വ്യക്തിത്ത്വങ്ങളില്‍ ഒന്നാം സ്ഥാനത്തു നില്‍ക്കുന്ന പ്രമുഖനാണ് ജിജോ പുന്നൂസ്. മലയാളത്തിലേക്ക് ആദ്യമായി സിനിമാസ്‌ക്കോപ്പ്, 70 എംഎം , ത്രീഡി , എന്നിങ്ങനെ വലിയ വിസ്മയങ്ങള്‍ നല്‍കിയ നവോദയായുടെ മുഖ്യശില്‍പ്പി''മൈഡിയര്‍ കുട്ടിച്ചാത്തന്‍ എന്ന ചിത്രം മാത്രമാണ് സംവിധായകന്‍ എന്ന ക്രെഡിറ്റില്‍ ഉള്ളുവെങ്കിലും മാമാങ്കം, പടയോട്ടം, തുടങ്ങിയചിത്രങ്ങളുടെയൊക്കെ ബുദ്ധികേന്ദ്രം ജിജോ തന്നെയായിരുന്നു.
ചലച്ചിത്ര രംഗത്തെ പൊതുവേദികളിലൊന്നും പ്രത്യക്ഷപ്പെടാത്ത വ്യക്തിത്ത്വം.ജിജോ പുന്നൂസ്സിന്റെ ഫാന്‍ ബോയ് ആയ സംവിധായകന്‍ മാത്യൂസ് തോമസ്സിന്റെ ആഗ്രഹപ്രകാരം സുരേഷ് ഗോപിയാണ് ജിജോയെ ഈ ലൊക്കേഷനിലേക്കു ക്ഷണിച്ചത്. പാലാക്കാര്‍ ജൂബിലി ത്തിരുന്നാള്‍ എന്നു പറയുന്ന ഈ പെരുന്നാളിന്റെ പിന്നാമ്പുറങ്ങളില്‍ വലിയ സംഭവങ്ങള്‍ ഒളിച്ചിരിക്കുന്നുണ്ട്. അതാണ് പ്രധാനമായും ഇവിടെ ചിത്രീകരിക്കുന്നത്. ഒരു കാലത്ത് പാലായിലെചോരത്തിളപ്പിന്റെ മൂര്‍ത്തീമത് ഭാവം എന്നു വിളിക്കാവുന്ന കടുവാക്കുന്നേല്‍ കുറുവച്ചന്റെ കഥ പറയുന്ന ഒറ്റക്കൊമ്പനില്‍ സംഘര്‍ഷം നിറഞ്ഞ മുഹൂര്‍ത്തങ്ങള്‍ ഏറെയാണ്.അത്തരത്തിലുള്ള ചില രംഗങ്ങള്‍ ചിത്രീകരിക്കുന്നതിനിടയിലാണ് ജിജോയുടെ കടന്നു വരവ് ജിജോ പുന്നൂസ്സിനെ സുരേഷ് ഗോപി, സംവിധായകന്‍ മാത്യൂസ് തോമസ്, സിദ്ദു പനയ്ക്കല്‍ , സെറ്റിലുണ്ടായിരുന്ന നടന്‍ ഇന്ദ്രജിത്ത്, ഛായാഗ്രാഹകന്‍ ഷാജി.എന്നിവര്‍ ചേര്‍ന്നു സ്വീകരിച്ചു.
ചിത്രീകരണം ഏറെ നേരം കണ്ട ജിജോയെ മുമ്പ് ചിത്രീകരിച്ച പലരംഗങ്ങളും കാണിച്ചു കൊടുക്കുകയും ചെയ്തു. 'ഒരു ഷോട്ട് സാറെടുക്കണമെന്ന ആഗ്രഹം സംവിധായകന്‍ മാത്യൂസ് തോമസ്സും, സുരേഷ് ഗോപിയും ആവശ്യപ്പെട്ടതോടെ അദ്ദേഹം അതിനു സമ്മതം മൂളി. ഒരു ഷോട്ടിന് അദ്ദേഹം ആക്ഷന്‍ പറഞ്ഞു. നാല്‍പ്പതു വര്‍ഷങ്ങള്‍ക്കു ശേഷമാണ് ജിജോ ഒരു സിനിമക്കു വേണ്ടി ആക്ഷന്‍ പറയുന്നത്. വലിയ മുതല്‍മുടക്കില്‍ ഏതാണ്ട് എഴുപത്തിയഞ്ചു കോടിയോളം രൂപ മുടക്കിയാണ് ഈ ചിത്രത്തെ അവതരിപ്പിക്കുന്നത്. വലിയ താരനിര തന്നെ ഈ ചിത്രത്തിലുണ്ട്. 'ഒരു പൊതുവേദികളിലും പ്രത്യക്ഷപ്പെടാത്ത, മറ്റൊരു സിനിമാസെറ്റില്‍ പ്പോലും പോകാത്ത ജിജോയുടെ സാന്നിദ്ധ്യം ചിത്രത്തിന് ഏറെ സന്തോഷ മുഹൂര്‍ത്തങ്ങളായി മാറി. മലയാള സിനിമക്ക് പുതിയൊരു സംഭാവന നല്‍കാനുള്ള തയ്യാറെടുപ്പിലാണ് ജി ജോ പുന്നൂസ്. പിആര്‍ഒ-വാഴൂര്‍ ജോസ്.