രണ്‍വീര്‍ സിങ് - ആദിത്യ ധര്‍ ചിത്രം 'ധുരന്ദര്‍' ടൈറ്റില്‍ ട്രാക്ക് പുറത്ത്; റിലീസ് 2025 ഡിസംബര്‍ 5 ന്
ആധുനിക ഹിപ്-ഹോപ്പ്, പഞ്ചാബി സ്‌റ്റൈല്‍, സിനിമാറ്റിക് ഗ്രിറ്റ് എന്നിവയുടെ ധീരമായ സംയോജനമാണ് ഈ ഗാനം. ഹനുമാന്‍കൈന്‍ഡ്, ജാസ്മിന്‍ സാന്‍ഡ്‌ലാസ്, സുധീര്‍ യദുവന്‍ഷി, ശാശ്വത് സച്ച്‌ദേവ്, മുഹമ്മദ് സാദിഖ്, രഞ്ജിത് കൌര്‍ എന്നിവര്‍ ചേര്‍ന്നാണ് ഈ ഗാനം ആലപിച്ചിരിക്കുന്നത്.;
ബോളിവുഡ് സൂപ്പര്‍ താരം രണ്‍വീര്‍ സിംഗിനെ നായകനാക്കി ആദിത്യ ധര്‍ സംവിധാനം ചെയ്ത മാസ്സ് ആക്ഷന്‍ ത്രില്ലര്‍ 'ധുരന്ദര്‍' ടൈറ്റില്‍ ട്രാക്ക് പുറത്ത്. ചിത്രത്തിന്റെ കാത്തിരിപ്പിനെ കൂടുതല്‍ ആവേശഭരിതമാകുന്ന ഒരു ഗാനമാണ് ടൈറ്റില്‍ ട്രാക്ക് ആയി പുറത്തു വിട്ടിരിക്കുന്നത്. ശാശ്വത് സച്ച്‌ദേവും ചരണ്‍ജിത് അഹൂജയും ചേര്‍ന്നാണ് ഈ ഗാനത്തിന് സംഗീതം നല്‍കിയിരിക്കുന്നത്. ചിത്രം 2025 ഡിസംബര്‍ 5 ന് ആഗോള റിലീസായെത്തും. ജിയോ സ്റ്റുഡിയോസ് , ബി 62 സ്റ്റുഡിയോസ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തില്‍ സഞ്ജയ് ദത്ത്, അക്ഷയ് ഖന്ന, ആര്‍ മാധവന്‍, അര്‍ജുന്‍ രാംപാല്‍ എന്നിവരും നിര്‍ണ്ണായക വേഷങ്ങളിലെത്തുന്നു. ടൈറ്റില്‍ ട്രാക്കിന്റെ ലിറിക്കല്‍ വീഡിയോ സാരേഗാമ മ്യൂസിക്കിന്റെ യൂട്യൂബ് ചാനലില്‍ ലഭ്യമാണ്. അതിനോടൊപ്പം ഗാനത്തിന്റെ ഓഡിയോ ട്രാക്ക് എല്ലാ പ്രധാന മ്യൂസിക് പ്ലാറ്റ്‌ഫോമുകളിലും സ്ട്രീം ചെയ്യുന്നുണ്ട്.
ആധുനിക ഹിപ്-ഹോപ്പ്, പഞ്ചാബി സ്‌റ്റൈല്‍, സിനിമാറ്റിക് ഗ്രിറ്റ് എന്നിവയുടെ ധീരമായ സംയോജനമാണ് ഈ ഗാനം. ഹനുമാന്‍കൈന്‍ഡ്, ജാസ്മിന്‍ സാന്‍ഡ്‌ലാസ്, സുധീര്‍ യദുവന്‍ഷി, ശാശ്വത് സച്ച്‌ദേവ്, മുഹമ്മദ് സാദിഖ്, രഞ്ജിത് കൌര്‍ എന്നിവര്‍ ചേര്‍ന്നാണ് ഈ ഗാനം ആലപിച്ചിരിക്കുന്നത്. ധുരന്ദറിന്റെ വ്യാപ്തിയും ഊര്‍ജ്ജവും തീവ്രതയും പ്രതിഫലിപ്പിക്കുന്ന ഈ ഗാനം ഹനുമാന്‍കൈന്‍ഡ്, ജാസ്മിന്‍ സാന്‍ഡ്‌ലാസ്, ബാബു സിംഗ് മാന്‍ എന്നിവര്‍ ചേര്‍ന്നാണ് രചിച്ചിരിക്കുന്നത്. ഹനുമാന്‍കൈന്‍ഡ് ആദ്യമായി ചെയ്യുന്ന ബോളിവുഡ് പ്രൊജക്റ്റ് കൂടിയാണിത്. അദ്ദേഹത്തിന്റെ തനത് ശൈലിയില്‍ ശക്തവും കൃത്യവുമായി ആധുനിക റാപ്പിനെ ഓള്‍ഡ് സ്‌കൂള്‍ ദേസി സ്വാഗറുമായി ലയിപ്പിച്ചാണ് ഈ ഗാനം ഒരുക്കിയിരിക്കുന്നത്. രണ്‍വീര്‍ സിങ്ങിന്റെ ഉഗ്രമായ സ്‌ക്രീന്‍ പ്രെസന്‍സിനെ വലിയ രീതിയിലാണ് ഈ ഗാനം പിന്തുണക്കുന്നത്.
'നാ ദേ ദില്‍ പര്‍ദേശി നു' എന്ന ഈ ഗാനം ആഴത്തിലുള്ള വികാരങ്ങള്‍ വഹിക്കുന്ന ഒരു നാടോടി ക്ലാസിക് ആണെന്നും ഇത് ചിത്രത്തിനായി പുനര്‍രൂപകല്‍പ്പന ചെയ്യാന്‍ സാധിച്ചത് ഒരു ബഹുമതിയും ഉത്തരവാദിത്തവും ആണെന്നും സംഗീത സംവിധായകനായ ശാശ്വത് സച്ച്‌ദേവ് പറഞ്ഞു. സിനിമയുടെ ആത്മാവിന്റെ തന്നെ ഭാഗമായ ഈ ഗാനം തുടക്കം മുതല്‍ തന്നെ തിരക്കഥയിലുണ്ടായിരുന്നുഎന്നും അദ്ദേഹം വെളിപ്പെടുത്തി. നേരത്തെ രണ്‍വീര്‍ സിംഗിന്റെ ജന്മദിനം പ്രമാണിച്ചു റിലീസ് ചെയ്ത ചിത്രത്തിന്റെ ഫസ്റ്റ് ലുക്കും വന്‍ ശ്രദ്ധ നേടിയിരുന്നു. ഇതുവരെ കാണാത്ത രൂപത്തില്‍ രണ്‍വീറിനെ അവതരിപ്പിച്ച 'ധുരന്ദര്‍' ഫസ്റ്റ് ലുക്ക് വീഡിയോ വമ്പന്‍ ആക്ഷന്‍ രംഗങ്ങള്‍ കൊണ്ടും ശ്രദ്ധ നേടി.
'ഉറി ദ സര്‍ജിക്കല്‍' സ്‌ട്രൈക്ക് എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് ആദിത്യ ധര്‍. ആദിത്യ ധര്‍ രചനയും സംവിധാനവും നിര്‍വഹിച്ച 'ധുരന്ദര്‍'. അദ്ദേഹവും ജ്യോതി ദേശ്പാണ്ഡെയും ലോകേഷ് ധറും ചേര്‍ന്നാണ് നിര്‍മ്മിച്ചിരിക്കുന്നത്. ബി62 സ്റ്റുഡിയോ നിര്‍മ്മിച്ച് ജിയോ സ്റ്റുഡിയോസ് അവതരിപ്പിക്കുന്ന, 'ധുരന്ദര്‍', അജ്ഞാതരായ പുരുഷന്മാരുടെ ഉത്ഭവത്തെക്കുറിച്ചുള്ള പറയപ്പെടാത്ത കഥ വെളിപ്പെടുത്തുന്നു. ഈ വര്‍ഷത്തെ ഏറ്റവും വലിയ ഹിന്ദി ചിത്രമായാണ് 'ധുരന്ദര്‍' തീയേറ്ററുകളിലെത്തുക.
ഛായാഗ്രഹണം - വികാഷ് നൗലാഖ , എഡിറ്റര്‍ -ശിവകുമാര്‍ വി പണിക്കര്‍, സംഗീതം - ശാശ്വത് സച്ദേവ്, പ്രൊഡക്ഷന്‍ ഡിസൈനര്‍ - സെയ്‌നി എസ് ജോഹറായ്, വസ്ത്രാലങ്കാരം - സ്മൃതി ചൗഹാന്‍, ആക്ഷന്‍ - എജെസ് ഗുലാബ്, സീ യങ് ഓ, യാനിക്ക് ബെന്‍, റംസാന്‍ ബുലുത്, നൃത്തസംവിധാനം - വിജയ് ഗാംഗുലി, പിആര്‍ഒ - ശബരി