ഹൊററും പൊട്ടിച്ചിരിയും, 'പ്രകമ്പനം' 30-ന് തിയേറ്ററിലേക്ക്
Prakambanam movie release date
ഗണപതിയും സാഗര് സൂര്യയും പ്രധാന വേഷങ്ങളില് എത്തുന്ന ഹൊറര് കോമഡി എന്റര്ടെയ്നര് 'പ്രകമ്പനം' ജനുവരി 30-ന് തിയേറ്ററുകളില് എത്തുന്നു. യുവതലമുറയെ ലക്ഷ്യമാക്കി ഒരുക്കിയ കംപ്ലീറ്റ് എന്റര്ടെയ്നറാണ് ചിത്രം. ഹാസ്യവും ഹൊററും ചേര്ന്ന വ്യത്യസ്തമായ അനുഭവമായിരിക്കും 'പ്രകമ്പനം' പ്രേക്ഷകര്ക്ക് നല്കുക.
നവരസ ഫിലിംസും കാര്ത്തിക് സുബ്ബരാജിന്റെ പ്രൊഡക്ഷന് കമ്പനിയായ സ്റ്റോണ് ബെഞ്ച് സ്റ്റുഡിയോയും ഒരുമിച്ചാണ് 'പ്രകമ്പനം' അവതരിപ്പിക്കുന്നത്. 'നദികളില് സുന്ദരി' എന്ന ചിത്രത്തിനു ശേഷം വിജേഷ് പാണത്തൂര് സംവിധാനം ചെയ്യുന്ന ചിത്രം ശ്രീജിത്ത് കെ. എസ്, കാര്ത്തികേയന് എസ്, സുധീഷ് എന് എന്നിവര് ചേര്ന്നാണ് നിര്മ്മിക്കുന്നത്. കോ-പ്രൊഡ്യൂസേഴ്സ്: വിവേക് വിശ്വം ഐ. എം, പി. മോന്സി, റിജോഷ്, ദിലോര്, ബ്ലെസ്സി. എക്സിക്യൂട്ടീവ് പ്രൊഡ്യൂസര്: അഭിജിത്ത് സുരേഷ്.
ചിത്രത്തിന്റെ കഥയും സംവിധായകന്റേതാണ്. തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ശ്രീഹരി വടക്കന്. ഹോസ്റ്റല് ജീവിതവും അതിന്റെ രസങ്ങളും പശ്ചാത്തലമാക്കി ഒരുക്കിയിരിക്കുന്ന സിനിമയാണ് 'പ്രകമ്പനം'. കൊച്ചിയിലെ ഒരു മെന്സ് ഹോസ്റ്റലും കണ്ണൂരും പശ്ചാത്തലമാകുന്ന ചിത്രത്തില് ശീതള് ജോസഫ് ആണ് നായിക.
അമീന്, കലാഭവന് നവാസ്, രാജേഷ് മാധവന്, മല്ലിക സുകുമാരന്, അസീസ് നെടുമങ്ങാട്, പി.പി കുഞ്ഞികൃഷ്ണന്, ഗായത്രി സതീഷ്, ലാല് ജോസ്, പ്രശാന്ത് അലക്സാണ്ടര്, സനീഷ് പല്ലി, കുടശ്ശനാട് കനകം തുടങ്ങിയ ഒരു ഗംഭീര താരനിര തന്നെ ചിത്രത്തിലുണ്ട്.
സംഗീതം: ബിബിന് അശോക്. പശ്ചാത്തല സംഗീതം: ശങ്കര് ശര്മ്മ. വരികള്: വിനായക് ശശികുമാര്. ഛായാഗ്രഹണം: ആല്ബി ആന്റണി. എഡിറ്റര്: സൂരജ് ഇ. എസ്. ആര്ട്ട് ഡയറക്ടര്: സുഭാഷ് കരുണ്. ചീഫ് അസോസിയേറ്റ് ഡയറക്ടര്: അംബ്രൂ വര്ഗീസ് പ്രൊഡക്ഷന് കണ്ട്രോളര്: നന്ദു പൊതുവാള്. ലൈന് പ്രൊഡ്യൂസര്: അനന്തനാരായണ്. പ്രൊഡക്ഷന് മാനേജേഴ്സ്: ശശി പൊതുവാള്, കമലാക്ഷന്. സൗണ്ട് ഡിസൈന്: കിഷന് മോഹന് (സപ്ത). ഫൈനല് മിക്സ്: എം. ആര്. രാജകൃഷ്ണന്. ഡി. ഐ: രമേഷ് സി. പി. വി. എഫ്. എക്സ്: മെറാക്കി. വസ്ത്രാലങ്കാരം: സുജിത്ത് മട്ടന്നൂര്. മേക്കപ്പ്: ജയന് പൂങ്കുളം. പി. ആര്. ഒ: മഞ്ജു ഗോപിനാഥ്. പബ്ലിസിറ്റി ഡിസൈന്: യെല്ലോ ടൂത്ത്. സ്റ്റില്സ്: ഷാഫി ഷക്കീര്, ഷിബി ശിവദാസ്. ഡിജിറ്റല് മാര്ക്കറ്റിംഗ്: ഒബ്സ്ക്യൂറ എന്റര്ടൈന്മെന്റ്.