എന്റെ കഴിവുകേടാണത്, അങ്ങനെ കണ്ടാല്‍ മതി, അല്ലാതെ ആരോടും ദേഷ്യമില്ല
Vinayakan says why he restricts public appearance;
മികച്ച നടനാണ് വിനായകന്‍. കഠിനാധ്വാനത്തിലൂടെ സിനിമയില്‍ സ്വന്തമായൊരു ഇരിപ്പിടം കണ്ടെത്തിയ നടന്‍. പലപ്പോഴും ചില പ്രസ്താവനകളിലൂടെ വിനായകന്‍ വിവാദങ്ങളില്‍ ചെന്നുചാടാറുണ്ട്. എന്നാല്‍, സമീപകാലത്തായി പൊതുവരെ പൊതുവേദികളില്‍ വിനായകന്‍ അധികം പ്രത്യക്ഷപ്പെടാറില്ല. അതിന്റെ കാരണവും വിനായകന്‍ വിശദീകരിക്കുന്നുണ്ട്. മമ്മൂട്ടിയും വിനായകനും പ്രധാന വേഷത്തില്‍ എത്തുന്ന സിനിമ കളങ്കാവലിന്റെ പ്രൊമോഷന്‍ വീഡിയോയിലാണ് വിനായകന്റെ വിശദീകരണം.
എനിക്ക് ആള്‍ക്കൂട്ടത്തെ ഇഷ്ടമല്ല. അതാണ് ഞാന്‍ പൊതുവേദിയില്‍ വരാത്തത്. ആളുകളുടെ ഇടയില്‍ നില്‍ക്കുമ്പോള്‍ എനിക്ക് എന്നെ എങ്ങനെ കൈകാര്യം ചെയ്യണം എന്നറിയില്ല. എന്റെ പ്രശ്‌നമാണത്. പുറത്തിറങ്ങുമ്പോള്‍ പ്രശ്‌നങ്ങളുണ്ടാകും. അതാണ് സത്യം. അല്ലാതെ ഞാന്‍ നാട്ടുകാരെ വിട്ടിട്ട് ഓടുന്നതല്ല. എന്നെ തന്നെ കണ്‍ട്രോള്‍ ചെയ്യാന്‍ എനിക്ക് അറിയില്ല. എന്റെ കഴിവുകേടാണത്. അതിനെ അങ്ങനെ കണ്ടാല്‍ മതി. അല്ലാതെ ആരോടും ദേഷ്യമില്ല-വിനായകന്റെ വാക്കുകള്‍.