ഹിറ്റ് അടിക്കാൻ വീണ്ടും നിവിൻ പോളി .ബേബി ഗേൾ നാളെ റിലീസ് ചെയ്യും

നിവിൻ പോളി നായകനാകുന്ന പുതിയ ചിത്രം 'ബേബി ഗേൾ' നാളെ ജനുവരി 23 നു റിലീസ് ചെയ്യും. യാഥാർത്ഥ സംഭവങ്ങളെ ആസ്പദമാക്കി ബോബി-സഞ്ജയ് ടീം തിരക്കഥയെഴുതി 'ഗരുഡൻ' എന്ന സൂപ്പർഹിറ്റ് ചിത്രമൊരുക്കിയ അരുൺ വർമ്മ സംവിധാനം ചെയ്യുന്ന ഈ ചിത്രം മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് നിർമ്മിക്കുന്നത്. സനൽ മാത്യു എന്ന ഹോസ്പിറ്റൽ അറ്റൻഡന്റ് കഥാപാത്രത്തെയാണ് ചിത്രത്തിൽ നിവിൻ പോളി അവതരിപ്പിക്കുന്നത്.

റൊമാന്റിക്-കോമഡി കഥാപാത്രങ്ങൾ മുതൽ ഗൗരവമേറിയ വേഷങ്ങൾ വരെ അനായാസം കൈകാര്യം ചെയ്യുന്ന നടനെന്ന നിലയിൽ നിവിൻ പോളിയുടെ അടുത്ത റിലീസിനായി പ്രേക്ഷകർ ആകാംഷയോടെയാണ് കാത്തിരിക്കുന്നത്. യഥാർത്ഥ സംഭവകഥകളെ ചലച്ചിത്രമാക്കുന്നതിൽ പ്രാവീണ്യം തെളിയിച്ച ബോബി-സഞ്ജയ് ടീം മാജിക് ഫ്രെയിംസിനായി തിരക്കഥയൊരുക്കുന്ന മൂന്നാമത്തെ ചിത്രമാണിത്. മാസ് ആക്ഷൻ ചിത്രമായ 'ഗരുഡനു' ശേഷം ഒരു യാഥാർത്ഥ കഥയിലേക്ക് കടക്കുകയാണ് സംവിധായകൻ അരുൺ വർമ്മ.