ഇനി വമ്പന്‍ 'വരവ്'; ഷാജി കൈലാസ്-ജോജു ജോര്‍ജ് സിനിമയ്ക്ക് പാക്കപ്പ്
Shaji Kailas Joju George movie Varav;
മാസ്സ് സിനിമകളുടെ സംവിധായകന്‍ ഷാജി കൈലാസ്, ജോജു ജോര്‍ജിനെ നായകനാക്കി സംവിധാനം ചെയ്യുന്ന ആക്ഷന്‍ ത്രില്ലര്‍ ചിത്രമാണ് വരവ്. മൂന്നാര്‍, മറയൂര്‍, തേനി, കോട്ടയം എന്നീ ലൊക്കേഷനുകളിലായിരുന്നു ചിത്രീകരണം. വരവിന്റെ ചിത്രീകരണം പൂര്‍ത്തിയായി.
മലയോര മേഖലയുടെ പശ്ചാത്തലത്തില്‍ ഒരുക്കുന്ന ചിത്രമാണ് വരവ്. പോളി എന്നു വിളിപ്പേരുള്ള പോളച്ചന്‍ എന്ന കഥാപാത്രത്തിന്റെ ജീവിത പോരാട്ടത്തിന്റെ കഥ പറയുന്ന ചിത്രത്തില്‍, മലയാളത്തിന്റെ ആക്ഷന്‍ റാണി വാണി വിശ്വനാഥും അഭിനയിക്കുന്നു.
ഓള്‍ഗാ പ്രൊഡക്ഷന്‍സിന്റെ ബാനറില്‍ റെജി പ്രോത്താസിസ്, നൈസി റെജി എന്നിവര്‍ ചേര്‍ന്ന് ചിത്രം നിര്‍മ്മിക്കുന്നു. ആക്ഷന്‍, സര്‍വൈവല്‍ ത്രില്ലര്‍ വിഭാഗത്തില്‍ പെടുന്ന ചിത്രത്തില്‍ ദക്ഷിണേന്ത്യയിലെ മുന്‍നിര സ്റ്റണ്ട് മാസ്റ്റര്‍മാരായ അന്‍പ് അറിവ്, സ്റ്റണ്ട് സില്‍വ, കലൈ കിംഗ്സ്റ്റണ്‍, ജാക്കി ജോണ്‍സണ്‍, ഫീനിക്‌സ് പ്രഭു, കനല്‍ക്കണ്ണന്‍ എന്നിവര്‍ ഒരുക്കുന്ന വമ്പന്‍ ആക്ഷന്‍ രംഗങ്ങളുണ്ട്.
വരവിന്റെ മറ്റൊരു പ്രത്യേകത മലയാളത്തിന്റെ പ്രിയ നടി സുകന്യയുടെ തിരിച്ചുവരവാണ്. മുരളി ഗോപി, അര്‍ജുന്‍ അശോകന്‍, ബാബുരാജ്, വിന്‍സി അലോഷ്യസ്, സാനിയ ഇയ്യപ്പന്‍, അശ്വിന്‍ കുമാര്‍, അഭിമന്യു ഷമ്മി തിലകന്‍, ബിജു പപ്പന്‍, ബോബി കുര്യന്‍, അസീസ് നെടുമങ്ങാട്, ശ്രീജിത്ത് രവി, ദീപക് പറമ്പോല്‍, കോട്ടയം രമേഷ്, ബാലാജി ശര്‍മ്മ, ചാലി പാലാ, രാധികാ രാധാകൃഷ്ണന്‍ എന്നിവരും ഈ ചിത്രത്തില്‍ പ്രധാന വേഷങ്ങളിലെത്തുന്നു.
ഷാജി കൈലാസിന്റെ വിജയങ്ങള്‍ക്ക് തിരക്കഥ ഒരുക്കിയ എ. കെ. സാജനാണ് ഈ ചിത്രത്തിന്റെയും തിരക്കഥ. ഛായാഗ്രഹണം - എസ്. ശരവണന്‍. എഡിറ്റര്‍-ഷമീര്‍ മുഹമ്മദ്. കലാസംവിധാനം-സാബു റാം. മേക്കപ്പ്-സജി കാട്ടാക്കട. കോസ്റ്റ്യും ഡിസൈന്‍- സമീര സനിഷ്. ചീഫ് അസോസിയേറ്റ് ഡയറക്ടര്‍-സ്യമന്തക് പ്രദീപ്. പ്രൊഡക്ഷന്‍ മാനേജേര്‍സ് - ശിവന്‍ പൂജപ്പുര, അനില്‍ അന്‍ഷാദ്. പ്രൊഡക്ഷന്‍ എക്‌സിക്കുട്ടീവ്-പ്രതാപന്‍ കല്ലിയൂര്‍. പ്രൊഡക്ഷന്‍ കണ്‍ട്രോളര്‍ - വിനോദ് മംഗലത്ത്. പി ആര്‍ ഒ മഞ്ജു ഗോപിനാഥ്. സ്റ്റില്‍സ് - ഹരി തിരുമല. ഡിജിറ്റല്‍ മാര്‍ക്കറ്റിംഗ്-ഒബ്‌സ്‌ക്യൂറ എന്റര്‍ടൈന്‍മെന്റ്. ഓഫ്ലൈന്‍ പബ്ലിസിറ്റി -ബ്രിങ് ഫോര്‍ത്ത്.